San Giuseppe prutettore
‘e sta vita e de stu core,
je te chiammo d’’a matina
e te sento assaje vicino.
Quanno scengo sulitario,
jesco fore e guardo ll’aria.
Penso a Te faticatore
pecché stive sempre fore.
‘A Maronna t’aspettave
ca da fatica tu turnave,
cu Gesù ca piccerillo
chiagneve natu pucherillo.
Tu trasivi chianu chianu
e li fierri levave ‘a mano.
T’assettave stanco e ‘strutto
ma annanze a te tenivi tutto.
‘Mparame a essere fedele
e anche ddoce comme ‘o mmele.
Accussì quanno me cocco
‘a cuscienza nun allucca.
Nessun commento:
Posta un commento